Aquesta pàgina ha estat validada.
cuidava conquerre per son;
ni d' Aguolan
ni de Captan,
ni del rey Braiman l' esclavon;
ni del beu rei
non sabs que 's fei,
d' Alixandre fil Filipon,
d' Apoloiné
non sabés re
qu' estors de man de Perizon;
de Daire ros
que tan fou pros
qu 's defendel de traizon.
Ni d' Olivier
non sabs chantier,
ni de Verdun ni de Vosprezon
Ni de Cardueill,
ni de Marcueill,
ni d' Aimol, ni de Guion;
ni sols d' Itis,
ni de Biblís
ni de Caumús nuilla faisson;
de Piramús
qui for los murs
Sofri, per Tibes possiou;
ni de París,
ni de Florís
ni de Bell' Aia d' Avignon;
Del Formanés
ni del Danés
ni d' Antelmen, ni de Frizon;
de Rainoal
