Lo llibre dels poetas/Huch de Mataplana

HUCH DE MATAPLANA.
Cometre us vull, Reculaire,
pois vestirs no 'us dura gaire
de paubretat es confraire
als bons omes de leon
mas de feis non semblas un
que cos es fols e zugaire
e de (dones?) cortejaire.
 
En Huguet, auzit ai retraire
qu' uns temps er, co m' es vezaire,
que il or fin é il vaire e 'l vaire
n' irant ab lo fum tot un;
per qu' ieu non ai mon astrun
en aves, don soi burlaire,
e chascuns degr' issí faire.
 
Reculaire, fols seria
toz hom qui d' acó us creiria:
vos cuidatz que be us estia
quant a juec vos despoillatz;

e quant fai freg tremolatz
e cridatz «¿qui 'm prestaria
son mantel, qu' ieu lo i rendria?»
 
N' Uguet, be sai s' eu moria
qu' atrestan m' en portaria
co 'l plus rics reis qu' el mon sia,
per qu' ieu sec mas voluntatz,
e jogui ab los tres datz,
e pren ab los ponz paria
e z ab bon viu on qu' ieu sia.

Reculaire, qui 'us donava
cinc soulz, e pois en jitava
autre cinc soulz en la grava,
desz soulz auria perdutz.
Tant quant assi viuretz nutz
vos cuiatz si be 'us anava
qu' eus presés qui 'us encontrava.
 
N' Uguet, be paraula brava
disez mi con si os costava
mos juoc, e s' ieu amassava
tal aver, don fus perdutz
lo speritz ni deceubutz,
dirion que mal estava
bon home de Calatrava.
 
Reculaire z' eu soi drutz
de tal, si dire o ausava,
qu' es la génser qu' om mentava.
N' Uguet esz ieu vai si nutz

que laire si m' encontrava
no 'm tolria si no 'm dava.

          Altras obras d' est poeta.

Un sirventés que comensa: D' un sirventesc m' es pres talent y una tensó ab Blacasset. Tambè 's dona per feta d' ell un diálech que comensa: Arondeta de ton chantar m' aer.