Pàgina:Crónica del rey d'Arago en Pere IV (1885).djvu/238

alguns Genovesos qui eren ab lo dit rey de Castella. Y per prechs quel dit rey de Castella faes al dit capita sobre la preso de dits Genovesos y robes, non volch res fer; de que, lo dit rey se tench fort per preyudicat y pensas que dit capita, que era de casa nostra, ho faes ab nostre consentiment. Y per gran greuge quen hac, tremesnos letres per son missatger especial en quens notifficava lo greuge quel dit capita li havia fet y alguns altres greuges. Y concluien les dites letres que ell de aqui adelant no queria esser nostre amigo. Les quals letres foren a Nos presentades en lo castell de Perpinya; lo tenor de lesquals es aytal:

Rey: fazemos vos saber que viemos vuestra carta que nos embiastes sobre razon de una nao que vos querelló Ramon Frexenete mercadero de la ciudad de Mallorques que diz que él fué tomado con cuero, et con otras cosas et con los homnes que con ella venian por Jauny Pereç de Xuaga fi jo de Pero Jaymes de Xuaga de Bermeyo del condado de Vizcaya; e que nos rogavades quel fiziessemos entregar las dichas cosas quel fueron tomadas et robadas ho las quantias en que las ponian, segund que en la vuestra carta se contenia con el interesse et despensas. E si lo assi non feziessemos, que vos non podiades escusar de fazer sobre esto en manera quel dicho Ramon de Frexenete hoviesse entrega de todo esto. E sobre esto que em. biavades á Nos Enyego de Lorber vuestro correo jurado al cual mandavades que de la presentacion de la vuestra carta tomasse testimonio de escrivano público: et non pudiendo haber escrivano que lo creyriades por su palavra; e entendimos todas las otras cosas que por la dicha vuestra carta se contenian. E Rey somos meravellado de vos, embiarnos dezir tales palabras por vuestra carta, et bien sabiedes quen el tiempo que deziades questo fue tornado, quel condado de Vizcaya estaba alçado contra Nos et nos fazia dende guerra. E si el danyo que qualquier dende recebiese, non haviamos Nos ende culpa nenguna. E como quier que fasta aqui vos hoviessemos por amigo et recebiessedes del Rey nuestro padre que Dios perdone la obra que vos sabedes: e así mismo de Nos depues que regnamos aca guardando Nos vuestra honrra et vuestra tierra et todo lo vuestro et quanto vos fuestes en vuestras con-