Pàgina:Lo llibre dels poetas (1868).djvu/30

De Viquitexts
Salta a la navegació Salta a la cerca
Aquesta pàgina ha estat validada.


 cel que 't mostret
los datz a menar ni l' arson.
 Non saps balar
 ni trasgitar
a guisa de juglar Guascon.
 Ni sirventesc
 ni balaresc
non t' auc dir e niulla fazon;
 bons estribotz
 non tiers pel potz,
retroencha ni contenson.
 Ja vers novel
 bon d' En Rudel
non cug que 't pas sotz lo guingnon;
 de Markabrun
 ni de negun
ni d' En Anfos ni d' En Eblon.
 Jes gran saber
 non potz aver,
si fors non ieis de ta rejon.
 Pauc as aprés
 que non sabs jes
de la gran jesta de Carlon,
 con en transportz
 per son esfortz
intret en Spaingna abandon,
 de Ronsasvals
 los colps mortals
que fero 'l dotze compaignon,
 com foron mort
 e pres a tort,
trait pel trachor Gonelon