Lo llibre dels poetas/Guillem de Bergadan

GUILLEM DE BERGADAN.
Al temps d' estiu quan s' alégron l' ausel
e d' alegrer cánton dolz lais d' amor,
e ill prat s' alégron que 's vésten de verdor,
e carga 'l fuoill e la flor e 'l ramel,
s' alegran cill qui an d' amor lor voill;
mas eu nou ai d' amor si ben l' a 'm voill,
ni pos, ni dei aver nuill alegratge
quar eu ai perdut leis per mon solatge
e s' anc fui gais ara sui d' ira ples.
 
Et ai dret qu' ab ira me capdel
e que jamais non dezir foill ni flor
qu' anc hom de carn non ac ira major
et adés creis quan venc al temps novel,
et es ben dret se 'm ir ni 'm plaing ni 'm doill,
pos la gensor iraz laisei, so 'm duoill,
pogués vezer, don per pauc non euratge;
mas non m' ir tan qu' en lais son seignoratge
ni 's loinc de leis mos cor ni ma fes.

Quar si tot sui loing del sieu cor cortés
per ma foudat qu' eu non poc lei vezer
que fai son prez plus loing d' autra saber
eu teing vas lei los (ueils?) del cor amdós;
quar on om plus s' en loing ni sel s' en part
de loing s' en fai plus pres en tota part;
taing s' espan de mi dons (es?) saubut
lo seu ric prez qu' a mon cor retengut,
que quan ill n' es plus lonc meill li sui de pres.

Per drez lei prez mos cors e ma razós
qu' aprés mainz mals jauzir d' un bon esper...


Chansoneta leu e plana
leugereta, ses ufana
farai e de mo marqués
del trachor de Mataplana
qu' es d' engans frasitz e ples.
A marqués, marqués, marqués
d' engans es frasitz e ples.

Marqués ben áion les peiras
a Melgurs de pres Someiras
on perdés de las denz tres;
ni ten dan que las primeiras
i son e no i páron ges.
A marqués, marqués, marqués
d' engans es frazitz e ples.

Del bratz no 'us pretz una figa
que cabrella par de biga
e portatz lo mal estés,
obs i auriatz ortiga
que 'l nervi vos estengués.
A marqués, marqués, marqués
d' engans es frazitz e ples.

ALTRAS OBRAS D' EST POETA,

I. Quant vei lo temps camjar é refredir.

II. Lai on hom melluyr' e revé.

III. Mais volgra chantar a plazer.

IV. De Bergadan, d' estas doas razós.

V. Amics sénher no 'us ho cal dir.

VI. Juglars no-t desconortz.

VII. Un sirventés ai encor a bastir.

VIII. E fetz una mespreison.

IX. Ben ai auzit per cals rasós.

X. Amichs marqués, enquera no n' a gaire.

XI. Talans m' es prés d' En Marqués.

XII. Cossirós cant é plang é plor.

XIII. Bernatz ditz de Baisseill.

XIV. Ara mens que la neu e l' frei.

XV. Trop ai estat de corna de mouton.

XVI. Eu no 'n cuidava chantar.

XVII. Chanson ai comensada.

XVIII. Un sirventés mieu voill far.

XIX. Mal o fe lo bisbe d' Urgel.

XX. Ben fo ver qu' En Berguedan.

XXI. Un trichaire, preste laire.

XXII. Reis, s' anc nuls tems fos francs ni larc donaire.